ابرز معلومات عن القهوه ☕️
____________________
القهوه او كأس الشيطان او النبيذ الحلال كل دى اسماء لمشروب واحد يعد اشهر مشروب على وجه الارض و المشروب المفل لجميع البشر و ناس كتير بتبدأ
يوميا بشرب فنجان من القهوه و بيستهلك البشر اكثر من 400 مليار كوب قهوه
سنويا و دا رقم كبير جدا و بيجى وراه كتير من التساؤلات اهمها ليه المشروب دا هو الاكثر شربا و ليه المشروب دا هو الاكثر شهره و ازاى تم اكتشاف المشروب ؟
ازاى تم اكتشاف القهوه ☕️
_____________________________________
تاريخ اكتشاف القهوه غريب شويه حيث ان سبب اكتشافها بيرجع لاحد الاغنام و الى كانت معزه لطيفه غيرت مسار العالم بالكامل و اثرت فى الاقتصاد العالمى لمده تتعدى الالف سنه .. بدأت الحكايه فى جنوب غرب الجزيره العربيه و تحديدا فى اثيوبيا لما كان فى راعى للاغنام و الماعز اكتشف ان فى جزء كبير من القطيع ظهر عليهم جزء كبير من النشاط والحيويه بعد ما اكلوا من ثمار شجره معينه ..الشجره كانت غربيه طولها كان حوالى 6 امتار و بتحتوى على ثمار اشبه بالتوت الاحمر 
الموضوع اثار فضول الراعى جدا لدرجة انه قرر يجرب الثمار الغريبه دى بنفسه و بمجرد ما قطف هو كمان شويه و اكلهم احس بنشاط مفاجئ و فورا اخد بعض التوت و عرضهم على بعض الرهبان الى كانوا موجودين بالقرب منه و بدأو يتسائلوا عن ماهيه الثمار الغريبه دى و انتهى بهم الحال انهم قذفوها فى النار و بعض شويه حطوها فى اناء من المياه و قرروا تذوق الخليط دا و الى خلاهم كلهم صاحيين لوقت متأخر من الليل ودا كان اول كوب قهوه يتم تحضيره فى التاريخ .
قصة ظهور القهوه مبتنتهيش لحد هنا ولكن فى مصادر تانيه تاريخيه بتؤكد ان البدايه الفعليه كانت فى القرن الخامس عشر لما احد اليمنين يدعى "غوث اكبر نور الدين "
لاحظ مجموعه من الطيور الى بتحلق فوق منه بشكل مش طبيعى و لما راقب مسارهم لقى انهم بيتغذوا على ثمار غريبه اشبه بالتوت البرى و لما بدأ يتذوق الثمار دى عرف اى السبب فى نشاط وحركة الطيور و بدأ غوث ينشر حبوب القهوه السحريه دى فى اليمن و عرضها على الناس و الى بردو نالت اعجابهم و اثارت حيرتهم فى نفس الوقت
و بغض النظر عن القصتين سواء الطيور هى السبب او الماعز ففى النهايه تاريخ ظهور القهوه بيرجع لاثيوبيا و انتقلت سريعا لشيه الجزيره العربيه وتحديدا فى اليمن و الى اصبحت الراعى الرسمى للقهوه فى العالم كله ودا لان المناخ الخاص باليمن و طربتها الخصبه اهلوها بجداره انها تكون مهد زراعه القهوه فى الاراضى كلها و مع حلول القرن السادس عشر انتقلت القهوه من اليمن الى بلاد فارس و لمصر و سوريا و تركيا
و كان وقتها بيطلق عليها لقب "نبيذ العرب " و اصبح فى اماكن خاصه بزراعتها و تقديمها للمسافرين و سرعان ما انتشرت شعبيتها عبر ايطاليا و اوربا كلها و انتشرت فى كل دول العالم من الشرق للغرب و من الشمال للجنوب .
متى تم انشاء اول مقهى للقهوه ☕️
________________________________________
فى عام 1650تم انشاء اول مقهى للقهوه فى انجلترا و بعد مرور 25 سنه زاد عددهم لاكثر من 3000 مقهى و انتشرت بعدها فكره انشاء مقهى فى كل دول العالم والى قدرت الحبوب السوده تنال اعجابهم علشان تتربع على عرش المشروبات الساخنه فى العالم
.. يتم تمميز كل نوع من حبوب القهوه مقارنه بالانواع التانيه بسهوله كل نوع بيكون مختلف تماما فى الشكل و الطعم والرائحه و الحموضه و كل نوع بيكون له كيانه الخاص و المميز بيه يعنى بمجرد ما تذوق فنجان القهوه بتبدأ تعرف اى نوع القهوه دى وكامل مواصفتها .
اهم البلدان المنتجه للقهوه ☕️
______________________________________
1- البرازيل .
2- فيتنام .
3- كولومبيا .
4- اندونسيا .
5- اثيوبيا .
6- الهند .
7- اوغندا .
8- المكسيك .
انواع القهوه ☕️
______________________________________
1- القهوه الامريكيه
فهى تصنع من حبوب البن الكولومبيه و هى تختلف تماما عن النسكافيه.
2- القهوه اليمنيه
تختلف القهوه اليمنيه من حيث طريقه التحضير فكل منطقه تتميز بتحضير نوع خاص من القهوه له مذاق معين اشهر انواع القهوه اليمنى :
* القهوه البيضاء و سميت هكذا نسبه للمدينه التى حضرتها لاول مره .
* القهوه الصباحيه يتم تحضيرها مضافا اليها حبوب الزنجبيل .
* القهوه المسائيه يتم تحضريها من قشور البن بعد فصلها .
3- القهوه العربيه
تتميز منطقة الخليج العربى باعداد نوع معين من القهوه له لون ذهبى مائل للبنى يكون تركيز القهوه خفيف بحيث يضاف البها بعض من البهارات و يتم تناولها مع التمر و الخبز كما انها تقدم فى كوب خاص .
4- القهوه التركيه
و تعد اكثر انواع القهوه انتشارا حول العالم تحضر من حبوب البن المطحونه كما انها تتميز بكثافتها العاليه و لونها الداكن .
فوائد القهوه للجسم ☕️
_______________________________________
1- تساهم فى تحسين سرعة ضربات القلب .
2- تعمل على خفض نسبة الكوليسترول فى الدم .
3- تحمى من خطر امراض الكبد .
4- تحمى من الاصابه بمرض السكرى .
5- تحمى الجسم من الاصابه بالرعاش.
6- مسكن جيد للالام .
7- تقلل من اعراض الشيخوخه .
تعليقات: 0